Një nga historitë që krijoi më shumë zhurmë brenda shtëpisë së “Big Brother VIP Albania” ishte ajo mes Gjestit dhe Egli – dy personazhe që përveç romancës, u komentuan për gjithçka, nga emocionet, te debatet dhe deri tek lidhja e tyre e përfolur.
Pas daljes nga formati, të dy kanë qëndruar disi të rezervuar në lidhje me marrëdhënien që i bashkoi brenda reality show-t, duke mos dhënë deklarata të drejtpërdrejta, por as duke mohuar hapur afërsinë mes tyre.
Por rrjetet sociale janë ndezur sërish pas një postimi të fundit nga Gjesti, ku ai shfaqet me një byzylyk të veçantë, të cilin fansat e njohin qartë si të Egli-t. Ky detaj, i dukshëm në një story në Instagram, ka ndezur spekulimet për një ribashkim të mundshëm mes dyshes.
Nuk vonoi shumë dhe ndjekësit e çiftit nisën komentet dhe analizat në rrjetet sociale, duke shpresuar që kjo është një shenjë që dashuria e tyre po rifillon. “Vetëm një gjest i vogël, por me shumë domethënie”, shkruajnë fansat.
Ndërkohë, disa e shohin këtë si një strategji për të qëndruar në qendër të vëmendjes, duke kujtuar se të dy janë artistë dhe të pranishëm në projekte televizive dhe muzikore. Megjithatë, një gjë është e sigurt: interesi për çiftin nuk ka rënë dhe çdo postim i tyre mbetet në fokus të ndjekësve.
Nëse ky byzylyk është thjesht një kujtim apo sinjal i diçkaje më shumë, mbetet për t’u parë në ditët në vijim…
