Pas ndarjes nga blogerja Sara Hoxha, me të cilën ka një vajzë të vogël, Poem Blu, duket se Ledri Vula ka kaluar një tjetër kapitull në jetën e tij personale. Lidhja e përfolur me sipërmarrësen Rina Zaiti, megjithëse nuk u konfirmua kurrë zyrtarisht, ka marrë fund.
Shenja më e qartë është se dyshja nuk e ndjekin më njëri-tjetrin në rrjetet sociale – një detaj që nuk i ka shpëtuar syrit të fansave dhe që ka ndezur zërat për përfundimin e marrëdhënies.
Por ajo që ka tërhequr më shumë vëmendje së fundmi janë pamjet e reja të publikuara nga burime pranë “Lokimagazine”, ku Ledri Vula shfaqet në shoqërinë e këngëtares Xhensila Myrtezaj gjatë pushimeve në Ibiza.
Në një prej fotove, Ledri shihet duke e përqafuar Xhensilën me afeksion, ndërsa ndodhen në një grup të vogël miqsh, përfshirë edhe vajzën e këngëtares, Ajka. Ky moment intim ka nxitur spekulime për një romancë të re, e cila duket të ketë nisur në heshtje.
As Ledri dhe as Xhensila nuk kanë bërë një deklaratë publike për marrëdhënien e tyre, por afrimiteti mes tyre dhe mungesa e kontaktit me Rinën janë parë nga publiku si sinjale të qarta se në jetën e reperit ka nisur një tjetër histori dashurie.
