Kohët e fundit, numri i kërkesave për azil në vendet e Bashkimit Evropian është rritur ndjeshëm, veçanërisht nga vendet e Ballkanit. Një rast i pazakontë ka tërhequr vëmendjen e publikut dhe mediave: ai i një nusjeje dhe vjehrre shqiptare, të cilat kanë udhëtuar drejt Gjermanisë me synimin për të kërkuar azil.
Sipas një raportimi nga gazetarja e “Aldo Morning Show”, të dyja gratë kanë shkuar në Gjermani në të njëjtën kohë, duke shpresuar të siguronin një jetë më të mirë dhe dokumente qëndrimi nëpërmjet sistemit të azilit.
Vjehrra është rreth 38 vjeç, nënë në moshë të re dhe tashmë edhe vjehrrë, pasi djali i saj, vetëm 18 vjeç, është martuar me një vajzë 20-vjeçare.
Sipas burimeve të gazetares, vjehrra ka qenë ajo që e ka shtyrë martesën e të birit që në moshë të vogël, me qëllimin për të nisur një jetë të re në Evropë.
Ato janë vendosur në Gjermani dhe kanë aplikuar për azil, por sipas informacioneve të marra, kanë vendosur të ndjekin një tjetër strategji për të siguruar dokumentet e qëndrimit.
Në fund të raportimit, gazetarja theksoi një detaj që ka tronditur opinionin publik: të dyja – nusja dhe vjehrra – kanë mbetur shtatzënë gjatë qëndrimit të tyre në Gjermani.
Nusja është shtatzënë me burrin e saj, ndërsa vjehrra dyshohet se është mbarsur nga një person që ka njohur pas mbërritjes në vend.
Sipas burimeve, qëllimi i tyre ka qenë që fëmijët të lindin në Gjermani, duke u bërë kështu një mënyrë për të përfituar dokumentacionin ligjor për qëndrim të përhershëm në vend.
Ky rast ka hapur një debat të gjerë për mënyrat se si individë të ndryshëm përpiqen të manovrojnë brenda sistemit të azilit dhe ligjeve të emigracionit në vendet perëndimore.